Тоқаев 70 жас мерейтойын атап өтпейтіні хабарланды
Ақорда президент Қасым-Жомарт Тоқаевтың 70 жас мерейтойына орай ешқандай шара ұйымдастырылмайтынын мәлімдеді.
Тоқаевтың баспасөз хатшысы Руслан Желдібай президенттің туған күнін қалай атап өтетіні туралы сұрақтардың көптеп түсетінін айтады.
“Ешқандай іс-шара жоспарланбағанын хабарлаймыз. Президент мұндай шараларды қолдамайды. Мемлекет басшысы 17 мамыр күнін жұмыс кестесіне сай өткізеді. Бұған дейін хабарлағанымыздай, бұл күні Қасым-Жомарт Тоқаевтың Қытайға мемлекеттік сапары басталады”, – делінген жазбада.
Сәйкесінше Қазақстанда да, Қытайға сапар аясында да президенттің туған күніне байланысты ешқандай іс-шара өткізілмейді екен.