11 жастағы қызға зәбір көрсеткен ер адам ұсталды
Бұрындайда 11 жастағы қыздың анасы қызына зәбір көрсетті деп айыптаған ер адам ұсталды.
Оқиғаны Іле ауданы ПБ растады.
«Азаматша Б. (Сабыр) есімді азаматқа қатысты арызы бойынша Іле ауданы ПБ-ның АЕК-231968030006383 санымен 10.05.2023 жылы тіркелген. Аталған арыз Іле ауданы ПБ-ның қызметкерлерімен жедел іздестіру іс-шаралары жүргізіліп, 1968 ж.т. аз. анықталып ұсталды. Қазір жоғарыда көрсетілген азамат Алматы облысы ПД-ның Қабылдау тарату орнына қамауға алынып, тескеру жұмыстары жүргізіліп жатыр», – делінген тәртіп сақшыларының ресми түсініктемесінде.
«НеМолчиKZ» қоғамдық қорының басшысы Дина Таңсәрінің айтуынша, ұсталған адам өзін Өзбекстан азаматы ретінде таныстырған және құжаттарынан айырылғанын айтқан.
Ал зардап шеккен қыздың ата-анасының айтуынша, ер адам оның әпкесінің қоластында жұмыс істеп, қыздың телефон нөмірін алған.