Алматы-Өскемен тас жолында 7 Tesla тиелген көлік аударылды
Алматы-Өскемен тас жолында 7 көлікті тиеп келе жатқан транспорт аударылды, деп хабарлайды Teznews.kz порталы ҚазАқпарат сайтына сілтеме жасап.
«21 мамыр күні Алматы-Өскемен тас жолының 143 шақырымында Scania көлігінің қатысуымен жол-көлік апаты болды. Үлкен жүк тасушы транспорт 7 Tesla көлігін тасымалдап бара жатқан. Көлік апатынан жол қозғалысына кедергі келтірілген жоқ. Республикалық трасса қалыпты режимде жұмыс істеп тұр», - делінген Жетісу облыстық полиция департаменті баспасөз қызметінің хабарламасында.
Көлік апаты Арқарлы асуының маңында болған. Апатқа ұшыраған көлікті 39 жастағы жүргізуші Алматы қаласына қарай бағыт алып бара жатқан.