Туристер үшін ең қауіпті қалалар белгілі болды

Дамыған елдердің барлығында дерлік туристерді қонақжайлықпен қарсы алып, оларға қуанады. Жергілікті халық сіз тіл білмесеңіз де қолынан келгенше көмектесуге тырысады. Алайда барлық жерде олай емес екен, шетелдіктердің келгенін құп көрмейтін елдер де бар.

Каракас, Венесуэла

Венесуэла астанасы Маргарита аралы сияқты әйгілі курортта демалғысы келетіндер үшін тартымды жер. Бірақ бұл қалаға тек гидпен келу керек. Өйткені Каракаста туристерге жүру қауіпті келетін қылмыс жайлаған аудандар бар. Ол аудандарда ұрлық, тонау мен атыс-шабыстар да болып жатады. Тіпті венесуэлалықтар адамды ұрлап, ол үшін ақша талап етіп те жатады.

Питермарицбург, Оңтүстік Африка

Бұл қала өзінің сәулетімен Еуропаның ескі қалаларын еске салатындықтан туристер көп баратын жер. Шаһар осындай әсемдігіне қарамастан, келушілер үшін өте қауіпті. Мұнда қылмыс деңгейі өте жоғары, қарулы шабуыл мен тонау жиі болады екен. Мұндай шабуылдардың басым бөлігі ксенофобия салдарынан болып тұрады, бір сөзбен мұнда өзге елден келушілерді жақтырмайды.

Порт-Морсби, Папуа-Жаңа Гвинея

Бір қарағанда бұл шаһар демалысқа өте жайлы көрінеді: мұнда кең жағажайлар мен мұражайлар мол. Дегенмен қонақүйден алшақтамаған жөн болады. Өйткені қала маңында өте кедей тұрғындар тұрады, жұпыны үйлер орналасқан. Ондағылар турситердің заттарын оңай олжа көреді, тіпті адамның өзін ұрлап кетуі мүмкін.