Қазақстанға танымал бокс жаттықтырушысы қайтыс болды

Қазақстанға белгілі бокс жаттықтырушысы Феликс Цой 82 жасында өмірден өтті, деп хабарлайды Teznews.kz порталы Tengri Sport сайтына сілтеме жасап.

Феликс Цойдың отбасына оның шәкірттері, атақты спортшылар Ангелина Лукас пен Фируза Шарипова көңіл айтты.

«Қазақстанда бокстың дамуына бапкер Феликс Тихонович Цой зор үлес қосты. Оның шәкірттері - Рашид Кабиров, Болат Жұмаділов, Бақтияр Тілегенов. Рингте не істесем, бәрін сол кісі үйретті. Мен оны өзімнің алғашқы тәлімгерім және бапкерім деп санаймын! Оның әрбір сөзі, әр кеңесі есімде, және бәрін қолданамын... Әр жекпе-жекте, әр жекпе-жекке алдындағы әңгімеміз есімде! Феликс Тихонович - Аңыз адам! Мен сізбен жұмыс істегенімді мақтан тұтамын, мен сізді қатты жақсы көрдім және өмір бойы есімде сақтаймын», - деп жазды Анджелина Лукас.

Фируза Шарипова Цойдан тәлім алған алғашқы қыз екенін атап өтті.

«Ол маған әрқашан қарсыласыңның көзіне қарау керек деп айтатын, не болса да, тіпті жеңіліп жатсаң да. Ешқашан көңіліңді түсірмеуді, жеңіске сенуді айтатын. Мен үшін ауыр қайғы, жүрегім ауырып барады», - деп жазған спортшы.