Алматыда полицей әріптесінің басына оқ атып, мерт қылды
5 маусымда Алматы қаласында полиция қызметкері әріптесін абайсызда атып өлтірген.
Полицейлер қазір Қылмыстық кодекстің 104-бабы “Абайсызда қазаға ұшырату” бойынша тексеріс жүргізіп жатыр.
“Алматы қаласы ПД 5 маусым полиция қызметкері қызметтік қарумен абайсызда өз әріптесіне оқ атқанын, ол алған жарақаты салдарынан қайтыс болғанын хабарлайды”, – делінген жазбада.
Желіде тараған ақпаратқа сәйкес көз жұмған сержант 28 жаста болған. Олар тамақтану бөлмесінде әңгімелесіп отырғанда Макаров тапаншасынан абайсызда атып жіберген. Куәгердің сөзінше, полицейлердің арасында жанжал болмаған.