Қостанай облысындағы жантүршігерлік жол апатынан бірнеше адам қайтыс болды

Қостанай облысында екі бала мен екі ересек адам жол апатынан қаза болды, деп хабарлайды Teznews.kz порталы Massaget.kz сайтына сілтеме жасап.

"Алау" порталының мәліметінше, 30 шілдеде "Қостанай-Введенка" тасжолының 77-шақырымында "Мерседес" көлігінің 28 жастағы жүргізушісі рөлді тізгіндей алмай, қарама-қарсы бағытта келе жатқан ВАЗ-2110 көлігімен бетпе-бет соқтығысқан.

Жол-көлік оқиғасы салдарынан ВАЗ-2110 жүргізушісі мен үш жолаушысы, екеуі кәмелетке толмаған, ауыр дене жарақаттарынан оқиға орнында қаза болған.

Қостанай облысы ПД баспасөз қызметі мәліметінше, екі факт бойынша ҚР Қылмыстық кодексінің 345-бабы 4-бөлігі бойынша соталды тергеу басталған. Оқиғаның барлық мән-жайын анықтау үшін қажетті тергеу әрекеттері жүргізіліп жатыр.

"Облыс жолдарында биыл 41 адам қаза тапқан. Қостанай облысының Полиция департаменті тағы да жол қозғалысына қатысушыларды жол қозғалысы ережелерін қатаң сақтауға шақырады!", - делінген ПД хабарламасында.