Ақтөбе облысында жасөспірім үш адамды қағып кеткен: бір бала көз жұмды
Ақтөбе облысында жасөспірім үш адамды қағып кетті, деп хабарлайды Teznews.kz порталы ІІМ баспасөз қызметіне сілтеме жасап.
Қайғылы оқиға 2 тамызда сағат 21:30-да Сарыжар ауылында болған. Үш жастағы бала қаза болып, тағы екі жаяу жүргінші ауруханаға жатқызылған
"Әйтеке би көшесімен жүріп келе жатқан 17 жастағы ВАЗ-21140 автокөлігінің жүргізушісі жолдың жүріс бөлігінен өтіп бара жатқан 28 жастағы жаяу жүргінші мен екі кәмелетке толмаған баланы қағып кеткен. Салдарынан 3 жасар бала жедел жәрдем көлігінде қаза болды, қалған екі жаяу жүргінші облыстық ауруханаға жатқызылды", - делінген хабарламада.
ҚР қылмыстық кодексінің 345-бабы 3-бөлігі бойынша соталды тергеу жүргізіліп жатыр.