Сәтбаевтағы жұмысшылардың наразылығына қатысты түсініктеме берілді
«Қазақмыс» ЖШС Сәтбаевтағы жұмысшылардың наразылығына қатысты түсініктеме берді, деп хабарлайды Teznews.kz порталы ҚазАқпарат сайтына сілтеме жасап.
«2023 жылғы 14 тамызда түнгі ауысымға түскен Сәтбаев өндірістік алаңының №65 шахтасының кеншілері мен мердігерлік ұйымдарының қызметкерлері жұмысты тоқтатқанын хабарлады. Мән-жайды білу анықтау мақсатында «Қазақмыс» басшылығы, прокуратура және жергілікті атқарушы билік өкілдері оқиға орнына барды. Қазіргі уақытта «Қазақмыс» ЖШС басшылығы туындаған мәселелерді шешу үшін шахтерлердің бастамашыл тобымен келіссөздер жүргізіп жатыр», - делінген компанияның баспасөз қызметінің хабарламасында.
Сондай-ақ ресми ақпаратта өңірлік жедел штабтың құрылғаны айтылады.
«Қазақмыс» компаниялар тобы әрқашан сындарлы диалогқа ашық және солай қала береді», - дейді компаниядан.