Найзағай соғуынан 12 адам қайтыс болды
Үндістанның шығысындағы Одиша штатында найзағай соғуынан 12 адам қаза тауып, 14 адам жарақат алды. Бұл туралы Teznews.kz порталы OXU басылымына сілтеме жасап хабарлайды.
Мәліметтерге сәйкес, оқиға 2 қыркүйекте орын алған. Онда екі сағат ішінде 61 мың найзағай соғуы тіркелген.
Үндістанның метеорология департаменті бұған дейін Бенгал шығанағындағы циклондарға байланысты алдағы екі күнде елдің шығысында ауа райының нашарлайтынын ескерткені атап өтілді.
Айта кетейік, ресми мәліметтер бойынша, 2022 жылы Үндістанда найзағай соғуынан 907 адам қаза тапқан.