Алдағы күндері ауа райы болжамы қандай болады?
24-26 қазан күндері ауа температурасы төмендеп, күн салқындайды, деп хабарлайды Teznews.kz ақпараттық порталы ҚазГидрометке сілтеме жасап.
Солтүстік-батыста ауа температурасы 0-7 градус болса, еліміздің солтүстік бөлігінде -5 +5 градусқа дейін төмендейді.
«Қазгидромет» РМК мәліметінше, алдағы күндері атмосфералық фронттардың әсерінен алғашқы ызғар мен түнгі уақытта аяз сезіле бастаған.
Республика көлемі бойынша екпінді жел соғып, жауын-шашын мен ақ ұлпақ қар да күтілуде. Ызғардан көк тайғақ пен мұз қатуы да күтілуде.
«Скандинавия түбегі аудандарынан суық арктикалық ауа массаларының кіруіне байланысты батыста, солтүстік-батыста және елдің солтүстік аймақтарында күн күрт суытады. Мәселен, республиканың батысында түнде ауа температурасы -6 +3 градусқа дейін, солтүстік-батыста 0-7 градусқа дейін, еліміздің солтүстігінде -5 +5 градусқа дейін болады», – делінген ҚазГидромет хабарламасында.
Мереке күні қарсаңында қазақстандықтар жылы киініп, жауын-шашынға дайын болу қажет.