Қазақстан құрамасы әлем чемпионатында екінші орынды иеленді
Қазақстан әлем чемпионатында кіші футболдан күміс медаль иеленді, деп хабарлайды Teznews.kz ақпараттық порталы.
БАӘ-ның Рас-эль-Хайма қаласында кіші футболдан 2023 жылғы әлем чемпионаты өз мәресіне жетті. Қазақстан құрамасы Румынияға есе жіберіп, екінші орынға жайғасты.
Румыниялық футболшылар пенальтиде гол салып, 12:11 есебімен жеңіске жетті.
Нәтижесінде Румыния құрамасы жеңіс тұғырынан көрініп, жеңімпаз атанды. Ал қазақстандық футболшылар күміс медальді иеленсе, үшінші орынды Венгрия алды.