Теміртауда екі жасар баласын 18 жерінен пышақтаған азаматқа үкім шықты
Теміртаулық тұрғын екі жасар ұлын өлтірген, деп хабарлайды Teznews.kz ақпараттық порталы.
Өз ұлын 18 рет пышақтап, өлтірген әкеге 8 қарашада үкім шыққан.
2023 жылдың 23 наурызында Теміртауда екі жасар баласын он сегіз жерінен пышақтап өлтірген. Теміртаудағы пәтерлердің бірінен екі жасар сәбидің мәйіті табылды.
Сотталушыға ҚР Қылмыстық кодексінің 99-бабының 3-бөлігі бойынша айып тағылды. Сотталушы өз кінәсін толық мойындады. Сот қылмыс жасалған кезде оның мас болғанын анықтады. Оның кінәсі толық дәлелденді, - делінген хабарламада.
Қылмыскер әке өмір бойына бас бостандығынан айырылды.