“АрселорМиттал Теміртауға” айыппұл салынды
"АрселорМиттал Теміртауға" 1 млн теңге айыппұл салынды, деп хабарлайды Teznews.kz ақпараттық порталы.
Айыппұл салынғаны туралы энергетика министрлігінің атомдық және энергетикалық қадағалау мен бақылау комитеті хабарлады.
Ақпаратқа сәйкес, энергетикалық қадағалау комитеті кәсіпорындарға 2023-2024 күзгі-қысқы маусым бойынша жұмысқа дайындық паспортын беруді аяқтаған.
Тексеруге сәйкес, "Арселор Миттал Теміртау" компаниясының ЖЭС-2 кәсіпорнына құжат берілмеген, компанияға 1 млн теңге айыппұл салынғаны белгілі болды.
Оған кәсіпорындағы құрылыс-жөндеу жұмысының толық аяқталмауы себеп болған көрінеді.