Әлеуметтік желіде зорлық-зомбылыққа қатысты қарсылық басталды
Қазақстандық белсенділер әйелдерге тұрмыстағы зорлық-зомбылыққа қарсы флешмоб бастады, деп хабарлайды Teznews.kz ақпараттық порталы.
Бұл флешмобтың басты мақсаты әйелдердің зорлық-зомбылыққа ұшырауының алдын алу, заңды қатаңдату.
"Біздің талап: Әйелдерге қатысыты зорлықты тоқтату”,- деген ұранмен әлеуметтік желілерде видео тарай бастады.
Instagram желісінде желдей ескен видеоның жазбасы:
“Күн сайын жаңалықтардан әйелдерді ұрып-соғып, зорлап, өлтіріп жатқан жағдайларды көреміз. Зорлық-зомбылық құрбандарына көмек көрсету қорлары тіпті олардың барлығына көмектесіп үлгермей жатыр. Қылмыскерлер жауапкершіліктен үнемі жалтарып кетеді. Себебі залымдарға қатысты заңнама жұмсақ. Қазақстанда тұрмыстық зорлық-зомбылық декриминализацияланған”, – делінген.