Ұлттық құрама Словениядан жеңіліп қалды
![](https://teznews.kz/storage/2017/0F8DB170-E4B6-40D8-B7BF-8E1F14590668.webp)
Футболдан Қазақстан құрамасы Словениядан 2:1 есебімен жеңіліп қалды, деп хабарлайды Teznews.kz ақпараттық порталы.
Еуро-2024 Еуропа чемпионатының іріктеу кезеңінен Қазақстан құрамасы өте алмай қалды.
Люблянада өткен Қазақстан мен Словения арасындағы ойында екі команда Еуро-2024 чемпионатына қатысу үшін бақ сынады.
Футболдан 2024 жылғы Еуропа чемпионатының іріктеу кезеңінде Қазақстан құрамасы Н тобындағы басты қарсыласы Словениямен әлемдік доп додасының жолдамасына таласты.
Өкінішке орай, ұлттық құрама Еуро-2024 турниріне жолдама ала алмады.
Ойынның алғашқы бөлігінде Словения құрамасы 1 гол соғып есепті ашты.
Қазақстан құрамасы екінші тайм бастала сала гол соғып, есепті теңестірді. Гол авторы – Рамазан Оразов.
86-минутында Словения екінші голын салып, есепте алға шықты. Гол салған – Бенямин Вербич болатын.
Словения құрамасы 2:1 есебімен басым түсіп, Еуропа чемпионатына жолдама алды.