Елімізде төлқұжат көшірмесін жинауға тыйым салынбақ
Енді елімізде төлқұжат көшірмесін жинауға тыйым салынбақ, деп хабарлайды Teznews.kz ақпараттық порталы.
Бұл туралы мәжілісте сөз болды.
Сенатор Андрей Лукинның айтуынша, мәжіліс депутаттары бастамашы болған заң жеке деректерді қорғауды күшейтуге және цифрлық тау-кен қызметін реттеудегі құқықтық алшақтықты жоюға бағытталған.
“Қазақстанның төрт кодексі мен он заңына өзгертулер мен толықтырулар енгізілуде. Атап айтқанда, мемлекеттік органдардың және мемлекеттік заңды тұлғалардың ақпараттандыру объектілерімен интеграцияланбаған, субъектіні технологиялық құралдарды пайдалана отырып анықтау мүмкін болмаған жағдайларды қоспағанда, жеке басын куәландыратын құжаттардың көшірмелерін жинауға және өңдеуге тыйым салынады. Иммигранттар ұлттық мүдделерді қорғау және елдің ұлттық қауіпсіздігін қамтамасыз ету үшін жеке басын куәландыратын құжаттардың көшірмелерін ұсынуға міндетті”, – делінген хабарламада.