Самбо бапкері өз шәкіртін зорлады деген күдікке ілінді
Талдықорғанда ер адам шәкіртін зорлады, деген күдікке ілінді, деп хабарлайды Teznews.kz ақпараттық порталы.
Өңірлік Полиция Департаменті Жетісу облыстық балалар-жасөспірімдер спорт мектебінде жаттықтырушы болып жұмыс істейтін 25 жастағы ер азаматты ұстаған. Ол самбо бапкері болған.
Жаттықтырушы өз шәкірттерін зорлады деген күдікке ілініп отыр.
«ҚР Қылмыстық кодексінің 121-бабымен қылмыстық іс қозғалып, сотқа дейінгі тергеу амалдары жүргізіліп жатыр. Күдікті ұсталып, қамауға алынды», - делінген аталған хабарламада.