Маңғыстау мұнайшылары мен теміржолшылары шеруге шықты

Маңғыстау облысының мұнайшылары мен теміржолшылары өз құқықтарын талап етіп, шеруге шықты, деп хабарлайды Teznews.kz ақпараттық порталы.

«WestOilSoftware» ЖШС жұмысшыларының жаппай наразылық акциясы болып жатыр. Ол жерде құқық қорғау органдарының арнайы бөлімшелерінің қызметкерлеріне тән киім киген адамдар көрінді. Әлеуметтік желідегі видеода:

«Біз, Маңғыстау облысындағы «WestOil» жұмысшылары бұған дейін заң аясында өз талаптарымызды қойғанбыз, ол орындалмай қалды. Осы талаптарды орындамағандықтан, біз конституциялық құқығымызды пайдалана отырып, төтенше шаралар қолдандық, атап айтқанда, бүгін, 11 желтоқсанда көшеге шықтық», - деді мұнайшылар өкілі.

Мұнайшылардың жаппай наразылығы болған жерде қауіпсіздік күштері өкілдерінің киімін киген адамдар бейнеленген видео да таралып кетті. Бейне сипаттамасында бұл адамдар «арнайы жасақ» деп көрсетіледі.