жұма, 21 маусым 2024
Саясат 22 03.01.2024 11:6

Қасым-Жомарт Тоқаев зорлық-зомбылық туралы айтты

Қазақстан президенті Қасым-Жомарт Тоқаев елдегі отбасылық зорлық-зомбылық мәселесі туралы айтты, деп хабарлайды Teznews.kz ақпараттық порталы.

Мемлекет басшысы:

"Мұндай қылмыстардың алдын алып, жолын кесу үшін менің тап­сырмаммен нақты шаралар қа­былдануда. Әйелдер мен балаларға жасал­ған зорлық-зомбылыққа қатыс­ты қылмыстарды тергеумен әйел тергеушілер айналысатын болды. Сондай-ақ ішкі істер органдарында әйелдерді зорлық-зомбылықтан қорғау­мен шұғылданатын маман­дардың штаты қалпына келтіріліп, олардың құзыреті күшейтілді", - деді Президент.

Президент өткен жылы отбасындағы тұрмыстық құқық бұзушылықпен күрес тәсілдерін қайта қаралғанын айтып өтті.

"Біз мұнымен шектелген жоқпыз. Былтыр отбасындағы тұрмыстық құқық бұзушылықпен күрес тәсілдерін қайта қарадық. 1 шілдеден бастап полиция жәбірленушінің шағымын емес, қылмыстың анықталуын негізге алып, қылмыстық істі тіркеуге көшті. Яғни мұндай қылмыстарға қатысты іс қозғау үшін зорлық-зомбылықтан жапа шеккен адамның арызы қажет емес. Тұр­мыстық зорлық-зомбылық жаса­ған­дарға әкімшілік және қылмыстық жауапкершілік едәуір күшейтілді. Жәбірленуші қайта-қайта қысымға ұшырамауы үшін бұдан былай мұндай іске қатысты тараптарға екінші рет татуласу мүмкіндігі берілмейтін болды", - деді Тоқаев.