Зеленский Ресейге қатысты үндеу жолдады
Ресей тарапынан Рождествода атысты тоқтату туралы бұйрықтан кейін түнде Украинаның Днепропетровск, Полтава, Харьков облыстарында, сондай-ақ Украинаның бақылауындағы ДХР мен Запорожье бөліктерінде әуе дабылы қайта жарияланды. Бұл туралы азаматтарды хабардар ету жөніндегі ресми ресурстың деректері куәландырады, деп хабарлайды Bugin.kz порталы.
Осыдан кейін Украина президенті Владимир Зеленский өзінің кешкі үндеуінде ресейдің мереке қарсаңында бейбітшілікке шақырған ниеттерін қабылдамады, керісінше мәлімдеме жаңа шабуылға дайындалу үшін жасалды деп түсіндірілді.
«Ресей Украина мен бүкіл Еуропаға қарсы шабуылдардың жаңа толқынына дайындықты жасырын жүргізе алмайды. Әлем оның осы соғыста жаңа шиеленісті қалай әрі қашан дайындайтынын толық біліп отыратын болады. Ресейдің әрбір жаңа қадамы жасалмай жатып, барлық егжей-тегжейі әлемге алдын ала белгілі болады. Біз мұны қамтамасыз етеміз», - деді Зеленский.
Ол сондай-ақ ресейліктер үшін бөлек мәлімдеме жасады.
«Мен бүгін Ресей азаматтарына тағы бір нәрсені еске салғым келеді. 15 қарашада Украинаның бейбітшілік формуласы енгізілді. Оның тармақтарының бірі Ресейдің оккупациялық әскерлерін біздің еліміздің аумағынан шығаруды қарастырады. Бұл атысты, адам шығынын және жалпы соғысты тоқтатудың кепілдендірілген және сенімді жолы. Сол күні-ақ таңертең өлтірілген орыс сарбаздарының саны 82000 болды. 12 желтоқсанда Ресей Рождествода оккупациялық әскерлерді шығару үшін бейбітшілік формуласын орындауды бастау туралы ұсыныс алды. Бірақ жауап келмеді, мүмкін олар естімеген шығар... Жердің естілмейтін бұрышында шығар. Ойланып қараңыздар, бүгінгі күні сіздер осы соғыста 110 мыңға жуық сарбазыңыздан айырылдыңыздар. Біздің елімізге қарсы террорды жалғастырып , осы адамдардың барлығын аяусыз қан майданға жібергендер, ресейлік агрессияны тоқтату туралы ұсыныстарымыздан бас тартқандар өз адамдарының өмірін бағаламайды, сәйкесінше ешқандай бейбітшілікке ұмтылмайды», - деп атап өтті Зеленский.
5 қаңтардың басында Владимир Путин Қорғаныс министрлігіне арнайы операция деп аталатын аймақта атысты тоқтату режимін енгізуді тапсырды.
Мұндай шешімге Патриарх Кириллдің тиісті өтінішін қабылдағаннан кейін келгені атап өтілді.
Ресей Қорғаныс министрі Сергей Шойгу тапсырмаға сәйкес Ресей әскери күштеріне атысты тоқтату туралы нұсқау берді.
Дереккөз: inbusiness.kz.