Қазақстанда 1 жылда 1,8 мыңнан аса киік ату жоспарлануда
Қазақстанның төрт облысында 1 815 киік ату жоспарланып отыр. Құжат қоғам талқысына шығарылды, деп хабарлайды Teznews.kz порталы.
Экология, геология және табиғи ресурстар министрлігі 2023 жылдың 15 ақпанынан 2024 жылдың 15 ақпанына дейінгі аралықта аулауға рұқсат берілетін жануарлар санын белгілемек.
Бұл аралықта 1 815 киікті ғылыми мақсатта ату жоспарланған. Олардың ішінде Ақмола облысында 705, Қарағанды облысында 700, Қостанай облысында 210 және БҚО-да 200 бас ауланады.
Тиісті заң жобасы "Ашық НҚА" сайтында жарияланған және 7 ақпанға дейін қоғам талқысында болады.