Шымкентте фитнес-клубта бес жасар бала бассейнге батып кетті
Шымкенттегі фитнес-клубтардың бірінде қараусыз қалған бала бассейнге батып кетті, деп хабарлайды Teznews.kz порталы Otyrar.kz басылымына сілтеме жасап.
2018 жылы туған баланың өлімі туралы полиция департаменті мәлімдеді.
"29 қаңтарда 17:25-те жедел медицина қызметінен Шымкент қалалық төтенше жағдайлар департаменті дағдарыс жағдайлары басқармасына балаларға арналған бассейнге 2018 жылы туған баланың батып кеткені туралы ақпарат түскен. Қайғылы жағдай KASEIT фитнес-клубында болған", – делінген хабарламада.
Полиция мәліметінше6 қараусыз қалған бала тереңдігі 1,2 метр болатын бассейнге батып кеткен. Қазір оқиғаның мән-жайы анықталып жатыр. Сот-медициналық сараптамасы тағайындалды.