Көкшетауда жанармай тасымалдайтын автоцистерна өртенді
Көкшетауда жанармай тасымалдайтын 2 автоцистерна өртенді, деп хабарлады Ақмола облысы ТЖД.
Бүгін, 2023 жылдың 16 ақпанында Көкшетау қаласында, Солтүстік индустриялық аймақта «Qazaqoil» аумағында, тиеу-түсіру стансасындағы 2 жанармай таситын цистерналардың өртенуі орын алды. Өрт 11-05-те оқшауланып, 20 минут ішінде толық жойылды.
Өрт аумағы 35 шаршы метр болды. Өрт салдарынан жанармай құятын автоцистернада болған жанармай құю бекетінің операторы 1988 жылы туған ер адам қаза тапты. Өрттің шығу себебі анықталуда.