"7 млн теңге айыппұл": Актер кино түсіруге қатысты қиындықтарды айтты

Танымал актер, әзілкеш Ақболат Өтебай жақында "Маған назар аудар" атты фильм түсірген еді. Ол Қызық Times бағдарламасында фильмнің көрсетілімі барысында қандай қиындық туындағанын айтты, деп хабарлайды teznews.kz Massaget.kz сайтына сілтеме жасап.

Әзілкештің сөзінше, фильм кинотеатрлардан көрсетіліп жатса да, заңсыз түрде әлеуметтік желілерде тарап кеткен.

"Фильм Telegram-да, тағы басқа жерлерде шықты. Заң аясында сөйлесіп көріп едік. 7 миллион теңге айыппұл салады екен. Енді айналысып жатқан қыздар-балдар - 2001-2006 жылғы жап-жас балдар. Қырық шақтысы ұсталып тұр. Қарапайым отбасы үшін 7 миллион деген біраз ақша ғой. "Осы жолы жылы жабайық, кейін халыққа түсіндірейік" дедік. ...Айналамызбен ақылдаса келе, "осы жолы шашып жейік, барлығы тойсын, келесі жолы ескертейік, шынайы көрермендер пайда болса, өздері-ақ айтып, тоқтатып отырады" дедік. Бұл қылмыспен солай күресу керек сияқты", - деді Ақболат Өтебай.