Тоқаев Франция президентіне құттықтау жеделхатын жолдады
![](https://teznews.kz/storage/1466/0c7a1db25edacb2c7fe236341ea.jpg)
Тоқаев Франция президентін Бастилияны алу күнімен құттықтады. Бұл туралы Ақорданың баспасөз қызметі мәлім етті, деп хабарлайды teznews.kz порталы.
Қасым-Жомарт Тоқаев Эмманюэль Макронды және барша француз халқын Францияның ұлттық мейрамы – Бастилияны алу күнімен құттықтады.
Мемлекет басшысы Қазақстан мен Франция арасындағы сенімді саяси диалог пен өзара тиімді сауда-экономикалық ынтымақтастыққа негізделген стратегиялық серіктестіктің нығайып келе жатқанын атап өтті.