“АрселорМиттал Теміртау” компаниясы қайтыс болған кеншілердің отбасына көмек көрсетті
![](https://teznews.kz/storage/1950/9DCF9122-3335-402D-A8A0-02BA8B2026F6.jpeg)
"АрселорМиттал Теміртау" компаниясы Костенко атындағы шахтада қаза тапқан кеншілердің отбасына жалақы төледі, деп хабарлайды Teznews.kz ақпараттық порталы Tengrinews.kz-ке сілтеме жасай отырып.
Аталмыш компания он жылдық жалақы төледі. Қарағанды облысының әкімі Ермағанбет Бөлекпаев өткен брифингте қаза болғандардың отбасына көрсетілген материалдық көмек туралы айтты.
"АрселорМиттал Теміртау" компаниясы 41 отбасыға 10 жылдық жалақы төледі. Қаза болған шахтерлердің, олардың жұбайларының, ата-аналары мен балаларының несиелері өтелді. Сондай-ақ, компания әрбір отбасына кемінде 18 шаршы метр пәтер сатып алуға міндеттенеді. Сақтандыру төлемдері, ЖОО-да 23 жасқа дейінгі балалардың оқу ақысы қарашада оқу мерзіміне төлене бастайды, - деді Ермағанбет Бөлекпаев.