сейсенбі, 2 шілде 2024
Денсаулық 107 29.11.2023 9:48

Ақтөбеде курсант қайтыс болды

Ақтөбеде курсант қайтыс болды, деп хабарлайды Teznews.kz ақпараттық порталы Kazinform-ға сілтеп.

Ақтөбедегі заң институтының курсанты облыстық фтизиопульмонологиялық орталығында қайтыс болды.

Оның өлімінің себебін анықтау үшін сот-медициналық сараптама тағайындалды.

Курсант облыстық фтизиопульмонологиялық орталыққа 21 қарашада сағат 15:29-да жеткізілген. Жансақтау бөліміне жатқызылып, екі жақты пневмония диагнозы қойылған.

 "Инфекциялық-токсикалық шок болды. Инфекциялық эндокардиттің ауыр түрі еді. Екіжақты экссудативті плеврит те белгілі болды. Ол қан құсқан. Оған қоса жеңіл дәрежеде қаназдық дертіне шалдыққан. Бірден ем жүргізіліп, күн сайын консилиум өтті. Оған штаттан тыс бас пульмонолог Л.М.Төлегенова қатысты. Өкінішке қарай науқас 27 қараша күні көз жұмды. Өкпе-жүрек жетіспеушілігінен деп айтылып отыр. Курсанттың денесі сот-медициналық сараптама орталығына берілді. Барлығы сол сараптамадан кейін нақты анықталады", - деді облыстық денсаулық сақтау басқармасының басшысы Рүстем Исаев.