Астанада 18 жастағы жігіт жоғалды
![](https://teznews.kz/storage/2228/A64C89FA-3673-4E6E-8A85-9B78656E40F4.webp)
Астана тұрғыны Қарағандыға жолға шыққаннан кейін жоғалып кетті, деп хабарлайды Teznews.kz ақпараттық порталы.
"Байқоңыр" ауданы ПД-не елорда тұрғыны жүгініп, жалға алынған Chevrolet Cobalt маркалы автокөлікпен үйден жеке тасымалдаумен айналысуға кеткен 18 жастағы ұлының байланыссыз жоғалғанын айтқан.
Бұл туралы Астана қалалық полициясы Instagram-да хабарлады. 18 жастағы жігітті іздеуге Астана қаласы ПД жеке құрамы мен еріктілер жұмылдырылған.
"Адамдардың жаппай шоғырлану орындары, жатақханалар мен қонақ үйлер тексерілуде, хабар-ошарсыз кеткен адамның араласатын ортасы орнатылуда, бейнебақылау камералары қаралуда. Тексеру барысында оның Астана қаласынан Қарағанды қаласына шығып, Алматы облысына келгені анықталды", - делінген хабарламада.