Жұмыссыздарға берілетін жәрдемақы өседі
2023 жылдан бастап жұмыссыз қалғандар 6 ай бойы бұрынғы табысының 45 пайызын алып отырады. Бұл туралы Еңбек және халықты әлеуметтік қорғау министрі Тамара Дүйсенова айтты, деп хабарлайды teznews.kz порталы halyq-uni.kz сайтына сілтеме жасап.
«Келер жылдан бастап жұмыссыз қалған азаматтарға жарналарын төлеген уақытына сәйкес, 6 айға дейін бұрынғы табысының 45 пайызын төлеу қарастырылып отыр», – деді министр.
Ол бұл мақсатты орындау үшін ең алдымен шағын бизнестегі жалдамалы қызметкерлер, платформаның көмегімен жұмыс істеп жүрген азаматтарға қатысты салықтық жүктемелерді төмендету қарастырылатынын айтты.