Ұлытау облысында жарылыс болды: 16 адам зардап шекті

Бүгін Ұлытау облысының Жаңаарқа кентінде жеке тұрғын үйдің аумағындағы тұрған моншада тұрмыстық газ баллоны жарылды, деп хабарлайды Teznews.kz порталы Ұлытау облысының төтенше жағдайлар департаментінің баспасөз қызметіне сілтеме жасап.

Жарылыс салдарынан 100 шаршы метр аумақта монша шатыры бұзылып, 50 шаршы метр алаң жанған. ТЖД күштері жедел түрде жалынды оқшаулады. Алдын ала мәліметтер бойынша, оқиға болған үйде ас берілген.

16 адам зардап шекті, олардың 8-і ауруханаға жатқызылды, 1-і ауыр жағдайда. 8 адам үйлеріне жіберілді. 

Оқиға орнында Жаңаарқа кентінің 6-ӨСБ күштері мен құралдары жұмыс істеп жатыр: жеке құрамның 4 адамы, ТЖБ қызметкерлері – 2 адам және 1 бірлік Ац-40 техникасы. Жарылыстың себебі мен жағдайлары анықталуда.

Алдын ала мәліметтер бойынша, қауіпсіздік техникасы өрескел бұзылған – газ баллоны аяздан үй-жайға әкелініп, жылыту үшін жылыту құрылғысының жанында орнатылған.

2022-2023 жж. жылыту кезеңінде өрттің және адамдардың жарақаттануының алдын алу мақсатында қауіпсіздік шараларын сақатаңыздар:

- газ аспаптарын пайдалану кезінде қауіпсіздік шараларын сақтау;

- жылыту пештері мен газ аспаптарының жанында жиһаз және басқа да жанатын заттарды орналастырмауға, сондай-ақ киім мен отынды кептіруге болмайды;

- ақаулы электр розеткаларын, электр ажыратқыштарын және электр аспаптарын пайдаланбаңыз;

- электр пештерін, үтіктерді, электр шәйнектерін және керосинді аспаптарды жанбайтын тұғырларға орнату қажет;

- пеш құрылымдарындағы жарықтар мен кетіктерді сылау, мұржаларды күйеден тазарту қажет;

- жанып тұрған едендегі әрбір пеште от жағу есігінің алдында өлшемі кемінде 50х70 см болатын пештің алдындағы төсемшені шегелеу керек.