Димаш Құдайберген тыңдармандарына үндеу жасады
Танымал әнші Димаш Құдайберген Instagram парақшасында үндеу жариялады. Әнші көпшілікті өз атын пайдаланатын алаяқтардан сақ болуға шақырды, деп жазады Bugin.kz порталы.
"Осы уақытқа дейін менің атымнан ашылған әлеуметтік желідегі парақшаларға мән бермедім. Алайда, байқағандарыңыздай, ақша сұрайтын алаяқтар пайда болуда", - деді әнші. Оның айтуынша, алаяқтар жалған парақша арқылы түрлі ойындар мен лоторея өткізіп, әншінің тікелей эфирінің видеоларын алаяқтық мақсатта пайдалана бастаған. "Сіздер білесіздер, мен ешқашан ондаймен (алаяқтықпен - ред) айналыспаймын. Сеніп қалатын адамдардың бары өкінішті. Сіздерге ескерткім келеді, ғаламтор арқылы ешкімге ешқандай ақша жібермеңіздер", - деді Димаш Құдайберген.