Мақпал Жүнісова: "Алтынбек Қоразбаев маған ғашық еді"

Жақында 75 жасқа толған Алтынбек Қоразбаевтың ән кешінде Халық әртісі Мақпал Жүнісова өнер көрсетті, деп хабарлайды Teznews.kz порталы Экспресс К сайтына сілтеме жасап.

Әнші композитордың өзі арнап жазған әнін орындап, оның тарихына тоқталды.

“Ертеректе, 20 жасымызда осы әнді Алтынбек аға маған ұсынған еді. Сол кезде маған: “Мен саған ғашықпын” деп айтатын. Бірақ жақындай алған жоқ. Жеңгемізден қорықты ма екен? “Сырттай ғашықпын” деп жүретін. Сонда осы “Мәңгілік махаббатым” деген әнді “саған арнадым” деп алып келгені есімде. Қазір жеңгем қызғанбайтын шығар деп ойлаймын. Мен 60-қа келдім, ол кісі 75-ке келді дегендей”, – деді өнер иесі.