Белгілі жас әнші жансақтау бөліміне түсіп қалды
![](https://teznews.kz/storage/909/photo_425744.jpeg)
QURT лақап атымен танымал қазақстандық әнші Дамир Қойшыбаев жансақтау бөлімінде жатыр. Оның денсаулығы туралы ақпаратты әртістің әріптестері желіде таратты, деп хабарлайды Teznews.kz порталы.
Атап айтқанда, әнші QURT-тың жағдайы туралы ақпаратты Скриптонит (Әділ Жәлелов) Instagram Stories-те баяндады.
"Біздің досымыз Дамир Қойшыбаев (Qurt) жансақтау бөлімінде жатыр. Жағдайы тұрақты, бірақ ауыр. Кез-келген топтың қаны шұғыл қажет. Алматы, Бұқар Жырау, 47 мекенжайы бойынша орналасқан қан құю орталығында тапсырсаңыздар болады", - деп жазды музыканттың әріптестері.
Музыканттың әріптестері таратқан ақпаратқа сүйенсек, ол скутерден құлап кеткен.
БАҚ-та жарияланған ақпарат бойынша, әнші 22 жаста. Астанада дүниеге келген. Бұрын Скриптонитпен жұмыс істеген.